11 декабрь куни Марказий Америкадан бўлган икки гуруҳ муҳожирлар АҚШнинг Тихуанасидаги консулликка бир қатор талаблар билан йўл олди, гуруҳлардан бири Трамп маъмуриятига «АҚШга кириш, ёки ҳар бирига уйга қайтиш учун 50 000 АҚШ доллардан пул бериш» шартини қўйди. Бу ҳақда «ForumDaily» хабар берди.
Талаблар орасида ҳукуматнинг депортацияни тўхтатиш, бошпана излаётганларнинг ишини эса тез ва кўпроқ кўриб чиқиш илгари сурилган.100 кишидан иборат карвоннинг илк гуруҳи консулликка эрталаб соат 11 да етиб келган.Гондураслик ташкилотчи Альфонсо Геррео Уллоа 50 000 АҚШ доллар гуруҳ аъзолари томонидан танланган нарх эканлигини айтди.«Эҳтимол бу катта пулдай туюлар, аммо бу пул АҚШ Гондурасдан олиб қўйганлари олдида ҳеч нарса эмас», — дейди Уллоа.Унинг айтишича, пуллар муҳожирларнинг уйга қайтиши ва кичик бизнес бошлашига имконият беради.
Хат муаллифлари АҚШнинг Марказий Америкага аралашувчни танқид қилди, шунингдек АҚШдан Гондурас президенти Орландо Эрнандесни лавозимидан четлатишни талаб қилди. Улар консулликка жавоб учун 72 соат берди.Соат 13:20 да консулликка 50 нафар муҳожирдан таркиб топган иккинчи гуруҳдан бошпана беришни тезлаштириш ва ҳар куни 300 га яқин кишига Сан-Исидро, Сан-Диего кириш портидан ўтиш сўраб хат тушди, ҳозирда узоғи 100 кишигача қабул қилинмоқда.
«Мамлакатни ташлаб чиқаётган аёллар ва болалар қийналишда давом этмоқда. Тихуана фуқаролик жамияти эса АҚШнинг Марказий Америкага аралашуви оқибатида келиб чиққан ушбу гуманитар қочоқлар инқирозига қарши курашиши керак», — дейилади мактубда.
Карвон аъзоси Сочтила Кастильонинг сўзларига кўра, Марказий Америкадан Тихуанага саёҳат қилган 6000 нафар муҳожирдан, 700 нафари ватанига қайтган, 300 нафари депорт қилинган ва 2500 нафари Мексикага гуманитар виза сўраб мурожаат қилган.Бошқалари ёки АҚШга ноқонуний ўтиб олган ёки Мексиканинг бошқа қисмларига кўчиб ўтган.
Изоҳ (0)