11 декабрнинг асосий янгиликлари — «Дарё» дайжестида.
Гулнора Каримованинг ўғли кичик Ислом Каримов Instagram’даги саҳифасида охирги йилларда Ўзбекистон келажаги учун кўп ўзгаришлар амалга оширилаётгани ҳақида ёзди. «Онам томонидан таълим соҳаси, ёшларга ажратилган грантлар, аёллар соғлиги ва мода йўналишларида катта ишлар қилинган. У киши эртанги ёруғ келажакка ишонади», дейилади кичик Ислом Каримов Instagram’да қолдирган постда.
***
Актёрлар Йигитали Мамажонов ва Муқаддас Саъдуллаева турмуш қурди. Йигитали ва Муқаддас қонуний тарзда никоҳдан ўтган. Улар фарзанд кутмоқда. Маълумот учун, Йигиталининг бу учинчи, Муқаддаснинг иккинчи турмуши. Йигитали Мамажоновнинг аввалги турмушларидан уч нафар фарзанди бор. Актёр Райҳон билан турмушидан икки оғил ва чимкентлик Нигина исмли қиз билан турмушидан қиз фарзандли бўлган. Муқаддас Саъдуллаева эса аввалги турмушидан Саъдия исмли қиз фарзанд кўрган.
***
Истеъмолчилар ҳуқуқларини ҳимоя қилиш жамиятлари федерацияси мамлакат бозорларидаги нарх-наволарни ўрганишда давом этмоқда. Ўзбекистон бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2018 йил 10 декабрь ҳолатидаги нархлари эълон қилинди.
***
Олий Мажлис Сенати Қонунчилик ва суд-ҳуқуқ масалалари қўмитаси ишчи гуруҳининг йиғилиши бўлиб ўтди. Йиғилишда «Жабрланувчиларни, гувоҳларни ва жиноят процессининг бошқа иштирокчиларини ҳимоя қилиш тўғрисида»ги қонун кўриб чиқилди. Таъкидланганидек, ҳужжат жиноят процесси иштирокчиларини ҳимоя қилиш чора-тадбирлари тизимини белгилаш тартибини, уларни қўллаш асослари ва тартибини белгилашга қаратилган. Қонунда ҳимоя қилинадиган шахслар рўйхати белгилаб берилган. Ички ишлар, давлат хавфсизлик хизмати, прокуратура органлари, божхона органлари, судлар уларнинг ҳимоясини таъминлаш тўғрисида қарор қабул қилувчи тузилмалар сифатида кўрсатилган.
***
Қашқадарё вилоятининг Шаҳрисабз туманидаги «Сайёд« маҳалла фуқаролар йиғинига қарашли Сувтушар қишлоғида 7-синф ўқувчиси 9-синф ўқувчини пичоқлаб қўйди. Пичоқланган 9-синф ўқувчисига тиббий ёрдам кўрсатилган. Айни пайтда унинг аҳволи қониқарли.
Изоҳ (0)