Жорий йилнинг 6 декабрь куни Алишер Навоий номидаги Давлат Академик катта театри труппаси афсонавий бир пардали «Жар-птица» («Ҳумо қуши») ва «Шаҳризода» балетларини саҳнада намойиш этди. Мазкур балетларни саҳналаштиришда Россия халқ артисти, балетмейстер Андрис Лиепа ва Россияда хизмат кўрсатган артист, хореограф Игорь Пиворович раҳбарлик қилди. Катта премьера «ЛУКОЙЛ Узбекистан Оперейтинг Компани» МЧЖ кўмагида ўтказилди.
Жорий йилнинг октябрь ойида Россия халқ артисти Андрис Лиепа ва Россияда хизмат кўрсатган артист Игорь Пиворович Тошкент шаҳрига «Жар-птица» ва «Шаҳризода» балетларини саҳналаштириш учун келди. Замонавий рус балети асосчиси Михаил Фокиннинг айнан мазкур икки дурдоналаридан бошлаб унинг жаҳон бўйлаб тантанали юриши бошланди. 1910 йилда Париж операсида «Рус мавсумлари» доирасида бўлиб ўтган «Жар-птица» ва «Шаҳризода» премьераси ҳайратомуз таассуротларга сабаб бўлди: парижлик хотин-қизлар ўз хоналарини «Шаҳризода»даги либос ва манзараларнинг ёрқин палитрасида безата бошлади. 1993 йилда балетлар Андрис Лиепа томонидан қайта тикланди ва Мариинский театри репертуарига киритилди.
Томошабинларни «Шаҳризода»нинг шарқона мавзуси ва «Жар-птица» рус эртагининг бирикмаси кутмоқда: нафислик бўйича мутлақо ўзгача тусни сақлаган ҳолда, ушбу иккита воқеа бирлашади. Ҳам саҳналаштирувчилар, ҳам А. Навоий номидаги театр труппаси томонидан катта иш амалга оширилди.
«Янги хореографияни тошкентлик труппа атиги бир ой ичида ўрганди. Менинг раҳбарлигим остида жараён 2 ҳафта давом этди, сўнгра эса артистлар партияларни ўзи мустақил равишда машқ қилдилар. Масалан, Нодира Ҳамроева ўзининг «Ромео ва Жульетта» репертуар спектаклидан олдин «Жар-птица» оркестри билан ушбу балет юзасидан бошидан охиригача кўрикдан ўтаган. Таъкидлаш керакки, Жульетта – аёллар классик репертуарида мавжуд энг мураккаб партия ҳисобланади: балет раққосаси тўлиқ 10 дақиқа давомида саҳнадан кетмайди. Бунда сиз натижани кўришингиз мумкин: «Жар-птица»нинг хореографик матни буюк Тамара Красавинага қўйилган, бироқ у айнан Нодирага ҳам қўйилган, деган фикр юзага келмоқда», – таъкидлаб ўтди балетмейстер Андрис Лиепа.
Саҳналаштиришга оид илк манзаралар йўқолган эди. Андрис Лиепа уларни Третьяков галереясида топилган эскиз бўйича қайта тиклади. Aртистлар либослари каштасининг мураккаблиги, шаклларнинг жимжимадорлиги ва матонинг ёрқинлиги билан ажралиб туради.
«Тошкентда биз бешта таркиб билан ишлай бошладик, ҳозирда либослар фақат иккитаси учун тайёр. Ҳумо қуши ролини ўйновчи Нодира Ҳамроева учун либосни мен Москвадан олиб келдим. Ушбу либос бўйича буюртмани мен мазкур сиймони 25 йил аввал Болшой театри саҳнасида Нина Ананиашвили учун яратган устага берган эдим. Кашей ниқоби Минскда буюрилган, латекс билан ишловчи ҳайкалтарош айнан ўша ерда яшайди», – деди балетмейстер Андрис Лиепа.
Андрис Лиепа таъкидлашича, бир пардали «Жар-птица» ва «Шаҳризода» балетлари ҳаракатчанлиги билан фарқ қилади, бу эса А. Навоий номидаги театр труппаси учун келгусида саҳна асарини гастролларга олиб чиқиш имкониятини яратиб беради.
Андрис Лиепа томошабнилар билан премера олдидан суҳбатлашар экан, саҳналаштиришда иштирок этган Навоий номидаги ДАКТ балет труппаси номидан ЛУКОЙЛ Компанияси томонидан кўрсатилган ҳомийлик ёрдами учун миннатдорчилик билдирди.
Изоҳ (0)