Америкалик актёр Эдди Мёрфи 57 ёшида ўнинчи марта ота бўлди. Бу ҳақда «Корреспондент.net» хабар берди.
Актёр ва унинг рафиқаси 39 ёшли австралиялик модель Пейж Батчер ўғил фарзандли бўлди. Унга актёрнинг ўтган йили лейкемиядан вафот этган акаси шарафига Макс Чарльз деб исм қўйилди.
Қайд этилишича, она ва бола ўзини яхши ҳис қилмоқда.
Жуфтликнинг Иззи исмли икки ёшли қизчаси ҳам бор. Бундан ташқари, Мёрфининг бошқа аёллар билан муносабатларидан яна саккиз нафар фарзанди ҳам бор.
Изоҳ (0)