Европа ва Лотин Америкаси мамлакатларида Италиянинг «Ндрангета» жиноий гуруҳига алоқадорликда гумон қилинган қарийб 90 киши қўлга олинган. Бу ҳақда The Local хабар берди.
Улар бутун дунё бўйлаб фаолият олиб борувчи жиноий синдикат учун ишлашда айбланмоқда. Хабар қилинишича, Италия ҳуқуқни муҳофаза қилувчи идоралари 5 декабрда Германия, Бельгия ва Голландия махсус хизматлари билан қўшма операциялар ўтказган.
«Ндрангета» мафияси Италиянинг жанубидаги Калабрин тоғли ҳудудида тузилган бўлиб, дунёнинг одам яшайдиган барча қитъасида фаолият юритадиган ягона уюшган жиноий гуруҳ ҳисобланади. Гуруҳнинг асосий фаолияти кокаин савдоси ва олинган даромадлардан бизнеснинг турли соҳаларида харидлар қилиш, деб ҳисобланади.
Изоҳ (0)