Божхоначилар «Қорақалпоғистон» темир йўл станциясида ўқ-дориларни фош этди, деб ёзади «Халқ сўзи». Амалдаги тартиб-қоидаларга кўра, жисмоний шахслар томонидан Ўзбекистон Республикаси ҳудудига ўқотар қуроллар ва ўқ-дориларни олиб кириш мумкин эмас. Божхона ходимлари томонидан бу каби салбий ҳолатларни олдини олиш йўналишида қатор чора-тадбирлар амалга оширилмоқда.
«Қорақалпоғистон» темир йўл станциясида 324-сонли «Волгоград—Тошкент» йўловчи поездида ҳаракатланаётган фуқаро Қ.У.нинг ҳаракатлари божхона ходимларида шубҳа уйғотди. У жойлашган вагон купеси божхона назоратидан ўтказилиши давомида ёстиқ ичига 75 дона ов милтиғи гильзалари ва 5 кг дробларни яширган ҳолда Ўзбекистонга олиб кираётгани аниқланди.
Қорақалпоғистон Республикаси божхона бошқармаси катта инспектори, божхона хизмати капитани Женисбай Сапарбаевнинг маълум қилишича, ҳозирда мазкур ҳолат юзасидан божхона текширувлари давом эттирилмоқда.
Изоҳ (0)