4 декабрь куни Бишкекдаги «Манас» кинотеатри ва Чингиз Айтматов номидаги киночилар уйида Ўзбекистон киноси кунлари бошланди. Бу ҳақда «Ўзбеккино» миллий агентлиги матбуот хизмати маълум қилди, дея хабар беради «Turon 24».
Ўзбекистон киноси кунлари доирасида режиссёр Ёлқин Тўйчиевнинг «Ришта», Александр Гамировнинг «Ота уйи» кинокартиналари, шунингдек, Ўзбекистон ва Қирғизистон киноижодкорларининг қўшма лойиҳаси асосида суратга олинган «Сарвқомат дилбарим» кинофильмининг премьераси намойиш этилади.
Маданий тадбирда Матёқуб Матчонов ва Улуғбек Қодиров иштирок этмоқда.
Ўзбекистонлик режиссёр Сарвар Каримовнинг «Сарвқомат дилбарим» фильми қирғиз тилида намойиш этилиши кўзда тутилган. Фильмда бош ролни ижро этган қирғизистонлик актриса Мадина Тўлепбек 27—30 ноябрь кунлари Тошкентда ўтказилган Прологуэ IV халқаро кинофестивалида «Энг яхши актриса» номинацияси ғолиби деб топилган.
Бишкекдаги Ўзбекистон киноси кунлари 5 декабргача давом этади.
Изоҳ (0)