Тошкент вилоятида танишига тендерда ғолибликни ваъда қилиб, ундан 13 минг доллар олган ва бу пулларни ўз эҳтиёжларига ишлатиб юборган шахс қўлга олинди. Бу ҳақда Ўзбекистон ИИВ Жамоатчилик ва ОАВлар билан ишлаш бошқармаси хабар берди.
Жорий йилнинг 29 ноябрь куни Тошкент вилоятининг Пискент туманида яшовчи А.Қ. ИИБга мурожаат қилиб, шу йил 9 сентябрь куни туман марказида муқаддам судланган М.У. исмли таниши унга «Темир йўл» қурилиш фирмаси тендерини ютиб олишини айтиб, алдов йўли билан 13 000 долларини олиб, пулларни ўз эҳтиёжлари учун ишлатиб юборганлигини маълум қилган.
Кўрилган чоралар натижасида М.У. қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)