Хитой фан ва технология вазирининг ўринбосари Сюй Нанпиннинг маълум қилишича, вазирликка эмбрион ДНКсини таҳрир қилиш билан боғлиқ барча тадқиқотларни тўхтатиш топширилган. Бунга хитойлик олим Хэ Цзянкуйнинг тарихдаги биринчи ДНКси ўзгартирилган эгизак қизалоқлар туғилгани ҳақидаги баёноти сабаб бўлган. Бу ҳақда «РИА Новости» хабар берди.
Хитойлик мансабдорнинг айтишича, бу қонунга хилоф ва этик меъёрларга тескари, буни қабул қилиб бўлмайди. Унинг сўзларига кўра, айни пайтда бу йўналишдаги барча тадқиқотлар тўхтатилган.
Хитойлик олим Хэ Цзянкуй ДНКси ўзгартирилган иккинчи ҳомила эмбриони ҳақида маълум қилди. Генетик аввалроқ ДНКси ўзгартирилган эгизак қизалоқлар туғилганини айтган. Уларнинг организми ОИВ вирусига қарши тура олади.
Олим жорий ҳафтада дунё ҳамжамиятини ҳайратга туширган ва ўз ҳамкасблари ҳамда ҳукумат тарафидан жддий танқидга учраган. Хитой соғлиқни сақлаш ва режали болалар туғилиши давлат қўмитаси ҳолат юзасидан текширув бошлаган.
Изоҳ (0)