Бугун, 29 ноябрь куни «Тараққиёт стратегияси» марказида «Ўзбекнефтгаз» акциядорлик фаолиятининг 2018 йилдаги фаолияти сарҳисобига бағишланган матбуот анжумани бўлиб ўтди. Бу ҳақда «Дарё» мухбири Севара Нишонова хабар берди.
Анжуманда «Ўзбекнефтгаз» акциядорлик жамияти бошқарув раиси ўринбосари Одил Темиров, «Ўзтрансгаз» акциядорлик жамияти Газ тармоқларидан ва қурилмалардан фойдаланиш бошқармаси бошлиғи Акмал Эшонқуловлар журналистларни қизиқтирган саволларга жавоб берди.
Бир кун аввал «Ўзбекэнерго» айрим ҳудудлар, хусусан Хоразмдаги электр таъминотидаги узилишларни газнинг тўлиқ ҳажмда етказиб берилмаётгани сабаб иссиқлик электр станцияларининг тўлиқ қувватда ишлай олмаётгани билан изоҳлаган эди.
Одил Темиров вазиятни қуйидагича изоҳлади:
«Бугунги кунда ўтган йил билан солиштирганда электр энергиясини ишлаб чиқариш ҳажми қарийб 19-20 фоизга, табиийки газ етказиб бериш ҳажми ҳам шунчага ортди. Ҳозирда ‘Ўзбекэнерго’ жуда кўп лойиҳаларни амалга оширди, ушбу лойиҳалар ёрдамида ҳозирда юқори самарадорлик билан электр энергияси ишлаб чиқарилмоқда.
Биз ‘Ўзбекэнерго’ раҳбарияти билан учрашдик ва ушбу масала бўйича суҳбатлашдик. Қиш пайтида газга бўлган талабнинг бир суткалик нормасини аниқладик. Барча иссиқлик электр станцияларига ушбу норма бўйича табиий газ етказиб берилади. Яъни ИЭСларни газ билан тўлиқ ҳажмда таъминлаш учун қўшимча чора тадбирлар амалга оширилмоқда.
Келаси йилда ‘Ўзбекэнерго’ Тўрақўрғон иссиқлик электр станциясини ишга туширади. Бу эса Фарғона водийсида электр таъминотидаги муаммоларга барҳам беради».
Изоҳ (0)