Бухоро вилояти давлат солиқ бошқармаси раҳбарияти 4-сектор ҳудудига кирувчи барча маҳалла ва қишлоқ фуқаролар йиғинлари фаоллари билан яқин ҳамкорлик ижобий натижаларни бераяпти, деб хабар беради вилоят солиқ бошқармаси.
28 ноябрь куни ушбу сектор ишчи гуруҳи Когон туманидаги кам таъминланган, боқувчисини йўқотган оилалар, ногиронлиги бор хонадонларга яқиндан ёрдам бериш мақсадида хайрли ишга қўл урди.
Эътиборлиси, бу ишга шахсан вилоят давлат солиқ бошқармаси раҳбариятининг ўзи бош-қош бўлиб, ёрдамга муҳтож ва кам таъминланган оилаларнинг аҳволи яқиндан ўрганилиб, уларга дастлабки моддий ёрдамни кўрсатган ҳолда озиқ-овқат маҳсулотлари беминнат берилди.
Ҳудуддаги «Сараён» МФЙ да ҳам 3700 га яқин аҳоли истиқмоат қилади. Ушбу қишлоқда ўз меҳнати билан оёққа туриб олган ўзига тўқ аҳоли билан бир қаторда афсуски, кам таъминланган оилалар ҳам мавжуд. Сараён МФЙ Сараён қўрғони 3-уйда яшовчи Мавжуда Ҳасанова мана бир неча йиллардан буён уч ногирон фарзандларини ўзи катта қилиб келмоқда. Ушбу хонадонга вилоят давлат солиқ бошқармаси томонидан рўзғор учун керакли бўлган озиқ-овқат маҳсулотлари берилди. Шу ҳудудда яшовчи Тўхта Саъдулаева қаровчиси йўқ 1-гуруҳ ногирони.
«Мен жуда ҳам хурсандман, бизни йўқлаб келганларинг учун сизлардан миннатдорман. Мени ҳар доим байрам арафаларида маҳалла, қўни-қўшни доим йўқлаб туришади. Мана бугун ҳам менга вилоят солиқ бошқармаси томонидан озиқ-овқат маҳсулотларини беришди, менга шунчалик ёрдам бераётганларидан бошим осмонга етди», — дейди Тўхта Саъдуллаева.
Қаршилик кўчаси 83-хонадонда яшовчи Севар Эрназарова хонадонига ҳам ёрдам қўли чўзилди. Хонадон эгасининг икки қиз фарзанди ҳам 2-гуруҳ ногирони. Уларга сектор томонидан доимий ёрдам бериб келинади бу гал ҳам уларнинг оиласига озиқ-овқат маҳсулотлари берилди.
«Мен 4-сектор раҳбарларидан миннатдорман. Икки қизимни малакали шифокорларга кўрсатиш мақсадида Тошкент шаҳрига олиб боришим керак эди аммо бориб келишга маблағимиз етарли эмас эди, шу сабабли секторга мурожаат қилдим улар менга Тошкентга бориб келишимиз учун йўл чиптасини олиб беришди. Бизга ғамхўрлик қилганларидан хурсандман», — дейди Севар Эрназарова.
Изоҳ (0)