27 ноябрь куни Ҳиндистон ҳукумати америкалик миссионер Жон Чаунинг жасадини Шимолий Сентинел оролидан қидириб топиш ва олиб келиш бўйича операция тўхтатилганини эълон қилди, деб ёзади TJournal.
У ташқи дунёдан узилиб қолган ҳудудга ноябрь ўрталарида тажовузкор хатти-ҳаракатлари билан машҳур бўлган маҳаллий қабила — сентинелликларга Исо Масиҳ ҳақида гапириб бериш мақсадида борган.
Гувоҳлар қайд этишича, у етиб келганидан кейин кўп ўтмай, қабила томонидан ўлдирилган ва соҳилга кўмилган.
Текширув бошланганидан кейин етти кун давомида ҳинд полицияси аборигенлар (туб аҳоли)га зарар етказмаган ҳолда марҳумнинг жасадини қайтариш эҳтимолини ўрганган. Аммо оролга экспедиция уюштиришга кўплаб антропологлар ва олимлар қарши чиққан. Уларнинг айтишича, бир кишининг жасадини олиб кетишга уриниш ноёб халқнинг қисман ёки тўлиқ йўқ бўлиб кетишига олиб келиши мумкин.
Шимолий Сентинел оролида яшовчи қабила, 2011 йилги маълумотларга кўра, 40 кишидан иборат. Улар ташқи дунё билан алоқадан қочиши билан танилган.
Изоҳ (0)