Хоразмда 26—ноябрь, душанба куни узоқ вақт мобайнида электр таъминоти узилиб қолишига «Хоразм» станциясидаги йирик авария сабаб бўлган, деб хабар берди «Газета.uz».
26 ноябрь куни соат 3:00 дан 16:00 гача вилоят маъмурий маркази Урганч ва бошқа бир қатор туманларда электр таъминоти ўчиб қолган.
Нашрнинг қайд этишича, совуқ кунларда Ўзбекистон вилоятларида электр таъминотининг узилиб қолиши иссиқлик электр станциялари катта босим остида ишлаши билан боғлиқ — газ йўқлиги учун одамлар уйни иситиш ва овқат тайёрлаш учун электр токидан фойдаланади.
«Ўзбекэнерго» электр таъминотидаги узилишларга барҳам бериш чораларини кўраётганини маълум қилган, бироқ айнан қандай чоралар кўрилаётганига аниқлик киритмаган.
Шунингдек, компаниянинг маълум қилишича, иссиқлик электр станцияларига газ етарли миқдорда етказиб берилмаётгани сабаб улар тўлиқ қувватда ишлай олмаяпти.
Изоҳ (0)