Тадбиркорлар ва солиқ тўловчиларга қулайлик яратиш мақсадида солиқ инспекцияларида «Маслаҳат хизматларини кўрсатиш» дарчалари ташкил этилди, деб хабар беради солиқ қўмитаси ахборот хизмати.
«Ҳурматли тадбиркорлар ва солиқ тўловчилар!
Сизларга янада қулайлик яратиш мақсадида туман ҳамда шаҳар давлат солиқ инспекцияларида ‘Маслаҳат хизматларини кўрсатиш’ дарчалари ташкил этилди. Ушбу дарча орқали Сизга солиқ қонунчилигига киритилган ва киритилаётган ўзгаришлардан хабардор этиб бориш, умумбелгиланган тартибда солиқ тўлашга ўтаётган солиқ тўловчиларни давлат солиқ хизмати органларида қўшилган қиймат солиғи тўловчиси сифатида рўйхатдан ўтишларида амалий ёрдам кўрсатиш, солиқ тўловчиларга my.soliq.uz портали орқали шахсий кабинетда ишлаш ва қўшилган қиймат солиғи тўловчиси сифатида рўйхатдан ўтиш учун ариза жўнатишда кўмаклашилади.
Агарда сиз қўшилган қиймат солиғи тўловчиси сифатида рўйхатдан ўтиш учун аризаларни қоғоз шаклида тақдим этиш истагини билдирсангиз тақдим этилган ариза маълумотларини дастурий маҳсулга киритилиши таъминланади.
Ундан ташқари, солиқларни ҳисоблаш тартибини, солиқ ҳисоботларини тақдим этиш ва тўловларни амалга ошириш муддатларини тушунтириш, солиқ тўловчиларга ҳисобот шаклларини тўлдириш юзасидан амалий тавсиялар берилади.
Ҳисобварақ-фактураларни тўғри расмийлаштириш бўйича тушунтиришлар берилиб, электрон ҳисобварақ-фактураларини афзалликлари тушунтирган ҳолда уни расмийлаштириш бўйича амалий ёрдам берилади.
Унутманг сизга беъминнат хизмат кўрсатишдан ва бу орқали сизнинг ишончли ҳамкорингизга айланишда солиқ хизмати доимий кўмакчингиздир», — дейилади хабарда.
Изоҳ (0)