Мустақил Давлатлар Ҳамдўстлиги (МДҲ) иштирокчи давлатларининг Парламентлараро Ассамблеяси (PA) Кенгашининг таклифига биноан Ўзбекистон Республикаси Олий Мажлиси Сенати Раиси Ниғматилла Йўлдошев бошчилигидаги парламент делегацияси 2018 йил 29—30 ноябрь кунлари Санкт-Петербург шаҳрида (Россия) бўлиб ўтадиган МДҲ PA 48-мажлиси ишида иштирок этади, деб хабар берди Олий Мажлис Сенати ахборот хизмати.
МДҲ PA халқаро ташкилот бўлиб, унинг асосий вазифаси МДҲ иштирокчи давлатларининг қонун ҳужжатларини яқинлаштиришга қаратилган модель қонунлар ишлаб чиқиш ва қабул қилишдан иборатдир.
Ўзбекистон аввал ҳам мазкур ташкилот тадбирларида иштирок этган. МДҲ PAнинг навбатдаги мажлисида шахсий маълумотлар, туризм, ахборотга оид ривожланиш, таълим сифатини ошириш каби масалалар юзасидан қатор модель ҳужжатлар лойиҳалари кўриб чиқилиши назарда тутилган.
Изоҳ (0)