PROlogue IV халқаро кинофестивалининг тўлиқ метражли фильмлар танловида Ўзбекистон номидан «Сарвиқомат дилбарим» фильми иштирок этамоқда. «Ўзбеккино» МА бош директори Фурқат Зокиров журналист Феруз Муҳаммадга берган қисқа интервьюсида кинофестивалда нега айнан «Сарвиқомат дилбарим» фильми иштирок этаётганига ойдинлик киритди.
Кинофестиваль қонун-қоидасига биноан премьераси бўлиб ўтган фильмлар танловда иштирок этиши белгиланган. Менимча халқаро кинофестивалда муҳаббатни куйлаган фильм иштирок этса мақсадга мувофиқ бўлади. «Сарвиқомат дилбарим» фильми «Ўзбеккино» бадиий кенгаши аъзолари, фильм премьерасига келган мухлислар ҳамда кино мутахасислар томонидан жуда ҳам яхши баҳоланди. Машҳур адиб Чингиз Айтматовнинг асари асосида суратга олинган ушбу фильм, инсонни ўйлашга, фикрлашга ва энг муҳими ёнингдаги инсонни қадрига етишни ўргатадиган фильмдир. Бунгача ушбу асар асосида уч маротаба фильм суратга олинган. Фестиваль саралаш ҳайъати аъзолари томонидан ҳам айнан ушбу фильм танланди. Бундан ташқари, фестиваль низомига мувофиқ, ушбу танловда ўттиз беш ёшгача бўлган режиссёр иштирок этиши мумкин эди.PROlogue IV Халқаро кино фестивали Ўзбекистон Ёшлар иттифоқи томонидан «Ўзбеккино« миллий агентлиги, Тошкент шаҳар ҳокимлиги, Кинематографияни ривожлантириш маркази, Ёш кинематографлар кенгаши, Ўзбекистон миллий кинокомиссияси билан ҳамкорликда ташкил этилди.Фурқат Зокиров, «Ўзбеккино» МА бош директори
Изоҳ (0)