7 ёшли Абдуллоҳ Иброҳимов Гематология ва қон қуйиш илмий текшириш институти клиникаси 1-болалар бўлимида даволаниб келмоқда. Унга ўткир лейкоз, промиелоситар тури, (1-фаол даври) ташхиси қўйилган.
Абдуллоҳбек 2018 йилнинг 8 август кунидан бери шу Гематология марказида даволанмоқда. Бола касаллангани туфайли бу йил мактабдан ҳам қолган. Бир неча йил ички ишлар тизимида ишлаган отаси Ихтиёрбек Холдаров 2013 йилда 33 ёшида рўй берган мудҳиш йўл-транспорт ҳодисаси оқибатида оламдан ўтган.
Ҳозирда Абдуллоҳнинг соғлиғи яхшиланмоқда. Шунга қарамай даволанишни тўхтатмаслик зарур.
У ҳозирда учинчи курс даволаниш муолажаларини оляпти. Яна навбатда асосий курсдан учтаси бор. Асосий курслар тугагандан кейин қўшимча қўллаб-қувватловини даволаниш муолажаларини олиши керак. Қўллаб-қувватлови 2 йил давом этади ва бунда 9 та курс бор. Бир курси икки ойни ташкил қилади.
Ҳозирда ҳар битта курсга 20 миллион сўмдан зиёд маблағ талаб этиляпти. Дастлабки иккита асосий даволаниш курслари учун 13 минг АҚШ долларидан ортиқ маблағ сарфланган.
Бу маблағларнинг кўпини яқинларидан, танишларидан қарз олишга мажбур бўлишган. Танишларидан қариндошлардан олинган ҳозирги пайтдаги қарздорлик миқдори 2,5 минг АҚШ долларини, дорихонадаги қарзи 13 миллион 223 минг сўмни ташкил қилади.
Биринчи курсда жиянини дори-дармонларига пул топа олмай, сарсон бўлаётган опасига раҳми келиб, Абдуллоҳнинг тоғаси узоғини яқин қилиб, оила тебратишида асқотадиган машина олиш учун тўплаган маблағини, оиладаги 7 та молини ҳам сотиб, дориларга сарфлаган.
Онаси Гулмира Тўраеванинг айтишича, фарзанди Абдуллоҳ катта бўлса, онаси учун чиройли уй қурмоқчи. Бирга яшашни орзу қилади. Ички ишлар ходими бўлишни ўз олдига мақсад қилган.
Ҳозирда оила Тошкент шаҳрида ижара уйда яшайди. Гулмира опа ўғлининг даволаниш харажатларидан ташқари ҳар ой ижара учун 150 АҚШ доллари тўлайди.
Абдуллоҳнинг тўлақонли даволаш курсини ўташ учун оиланинг моддий томондан қўли калталик қилади. Она фарзандини дарддан тезроқ фориғ бўлиб, мактабга бориб, аъло баҳоларга ўқиб, келажакда халққа фойдаси тегадиган юмуш билан шуғулланишни орзу қилади.
«Аллоҳнинг синови экан. Душманга ҳам раво кўрмайман. Болам тузалади насиб этса. Ишонаман, яхши инсонлар бор. Улар ёрдамга келади албатта», — дейди онаси.
Абдуллоҳнинг онаси саховатпеша инсонлардан умид ила холис ёрдам сўрамоқда. Имкон қадар Абдуллоҳнинг соғайиб кетиши учун ҳисса қўшайлик!
Пластик карта орқали (Click, Payme) онаси Гулмира Тўраева номига очилган пластик карта рақами:
8600-0423-1083-4428
Хориждан банкдан маблағ юбормоқчи бўлганлар учун онасини паспорт маълумотлари:
Гулмира Тўраева
Паспорт рақами: АА 1170592
Онаси Гулмира Тўраеванинг телефон рақами:+99897 335 85 07.
Изоҳ (0)