Мирзо Улуғбек туман ҳокимлиги, Маҳалла хайрия жамоат фонди ҳамда Ўзбекистон Ёшлар иттифоқи туман Кенгаши томонидан туманда истиқомат қилаётган кам таъминланган, ижтимоий ҳаётда фаол ёшларни қўллаб-қувватлаш мақсадида «Авайхон» МФЙда Ўзбекистон Республикаси Ички ишлар вазирлигининг фахрийси Зокиржон Алматов билан учрашув ташкил этилди. Бу ҳақда Мирзо Улуғбек туман ҳокимлиги матбуот хизмати хабар берди.
Ташриф давомида маҳалла ҳудудида жойлашган 275-умумтаълим мактабга ташриф буюриб ўқувчи ёшлар билан учрашди. Ўзаро суҳбат чоғида бугун ёшлар учун яратилаётган кенг имкониятлар, шарт-шароитлар ҳақида сўз юритди. Бу имкониятлардан унумли фойдаланишни эса ҳар бир ёшнинг ўз зиммасида эканлигини алоҳида таъкидлади.
Тадбир якунида маҳаллада жойлашган «Кувшин» миллий таомлар ресторанида 20 нафар кам таъминланган оила фарзандлари учун байрам дастурхони ташкил этилди. Болажонларга совға сифатида жами уч миллион сўмлик қишки мавсум учун иссиқ кийимлар ва бошқа бир қатор болалар учун ўқув қуроллари топширилди.
Изоҳ (0)