Грузиянинг Батуми шаҳрида 24 ноябрь куни казинодаги ҳужум оқибатида бир ўзбекистонлик аёл ҳалок бўлган, яна бири эса тан жароҳати олгани ҳақида аввал хабар берилган эди.
Ўзбекистон Ташқи ишлар вазирлигининг маълум қилишича, 1987 йилда туғилган I.Зиёдуллаева шифохонага олиб кетилаётганида вафот этган, 1980 йилда туғилган Х.Маҳкамова эса жароҳат олган ва ҳозирда муолажа қилинмоқда.
Пичоқ билан жароҳат етказган Туркия фуқароси Л.Културк жиноят жойида қўлга олинган ва унга қарши «қасддан одам ўлдириш» моддаси бўйича жиноят иши қўзғатилган.
Ўзбекистон ТИВнинг қўшимча қилишича, Ўзбекистоннинг Озарбайжондаги элчихонаси Консуллик бўлими мазкур масалани назоратга олган.
Изоҳ (0)