Жорий йилнинг 21 ноябрь куни Ўзбекистон электрон оммавий ахборот воситалари миллий ассоциацияси ташкил этилганининг 15 йиллигига бағишлаб XI анъанавий медиа-фестиваль бўлиб ўтди. Бу ҳақда ЎзЭОАВМА матбуот хизмати хабар берди.
«Озод юрт тўлқинлари» медиа-фестивалидан кўзланган асосий мақсад истиқлол йилларида жамият ҳаётининг турли жабҳаларида амалга оширилаётган кенг кўламли ислоҳотларнинг мазмун-моҳиятини аҳолимизнинг кенг қатламларига етказиш, бу йўналишда нодавлат телерадиотармоқларда самарали меҳнат қилаётган журналист ва техник ходимларни рағбатлантиришдир.
Медиа-фестиваль Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича парламент комиссияси молиявий кўмагидава бир қатор ҳамкор ташкилотлар билан биргаликда ўтказилди.
«Озод юрт тўлқинлари» XI анъанавий медиа-фестивали «Келажак бугундан бошланади» шиори остида ташкил этилиб, янги форматда ўтказилди. Бу, биринчи навбатда, янгича кўринишдаги ижодий ёшлар томонидан тайёрлангантақдимотларда ўз ифодасини топди.
Нодавлат телерадиокомпанияларининг энг яхши мутахассислари миллий журналистика ривожига қўшган хиссалари учун йил натижаларига кўра бир қатор номинациялар бўйича тақдирланди.
Шулар жумласидан «Инновацион ёндашув учун», «Оилавий қадриятлар доим трендда», «Тезкор, аниқ ва батафсил», «Марказда ёшлар», «Ҳудудда етакчи», «ЎзЭОАВМАнинг энг яхшимедиа-лойиҳалари»номинациялари. Шунингдек, ижодий ёшлар «2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини ёритишда фаол ҳамкорлиги учун», «Нодавлат телерадиоузатувчилар ривожига қўшаётган ҳиссаси учун», «ЎзЭОАВМА билан ишончли ва узоқ йиллик ҳамкорлиги учун», «Болалар ва ёшлар йўналишидаги фаол ҳамкорлик учун», «ЎзЭОАВМА билан самарали ижтимоий шериклик учун» номинациялари бўйича баҳоланди. Ғолиб ва совриндорлар «онлайн» тарзида овоз бериш билан аниқланди, унинг натижаларига кўра, энг муносиблари «Озод юрт тўлқинлари» ҳайкалчалари, диплом ва қимматбаҳо совғалар билан тақдирланди.
Фестиваль доирасида «Ўзбекистон нодавлат оммавий ахборот воситалари: келажак чақириқлари ва ривожланиш истиқболлари» мавзуида халқаро конференция ва Ёшлар медиа-форуми ўтказилди.
Медиа-фестивалда Ўзбекистон Республикаси Олий Мажлиси сенати аъзолари ва Қонунчилик палатаси депутатлари, давлат ва жамоат ташкилотлари, Ўзбекистон Республикасида аккредитациядан ўтган дипломатик корпус ва халқаро ташкилотлар раҳбар вавакиллариҳамда мамлакатда фаолият юритувчи оммавий ахборот воситалари, ЎзЭОАВМА га аъзо 50 дан ортиқ нодавлат телерадиостанциялар директорлари, бош муҳаррирҳамда ижодий ходимлари иштирок этди.
Анжуман иштирокчилари сессиялардаўтказилган «Болаларни тарбиялаш ва уларнинг ривожланишидаги ОАВнинг кенг кўламдаги фаолияти», «Мустақил журналистиканинг ривожланиши:Ўзбекистон тажрибаси ва халқаро амалиёт», «ОАВ, ҳукумат ва фуқаролик жамияти манфаатларини таъминлашдаги ўзаро уйғунлик», «Парламент комиссияси фуқаролик жамиятиинститутларини қўллаб-қувватлаш воситаси», «Халқаро медиа стандартларинингасослари. Германия тажрибаси» ЎзЭОАВМА ҳамда Ёшлар иттифоқи ҳамкорлиги натижаларига оидмасалалар муҳокамаларида қатнашди.
Анжуманда нодавлат оммавий ахборот воситаларининг демократик ҳуқуқий давлат ва очиқ фуқаролик жамияти қурилишдаги роли муҳокама этилди, бу борада халқаро тажрибалар таҳлил этилди, таклиф ва тавсиялар ишлаб чиқилди.
Ёшлар медиа-форумида ЎзЭОАВМА ҳамда Ўзбекистон Ёшлар иттифоқи марказий кенгаши ҳамкорлиги натижалари, 2019 йилда амалга ошириладиган лойиҳалар тақдимоти, бир қатор долзарб масалалар муҳокамаси бўлиб ўтди.
Изоҳ (0)