Сўнгги 20 йил ичида Европада популистлар (ижтимоий жозибадор ғоялар орқали халққа ёқиш, унинг ишончини қозонишга интилувчи сиёсатчилар) партиясини қўллаб-қууватлаш даражаси уч мартадан кўпроқ ўсди, деб ёзади «Корреспондент.net». Бу уларнинг етакчилари 11 мамлакатда ҳукумат мансабларини эгаллаши учун етарли бўлди.
The Guardian 30 дан ортиқ етакчи сиёсатшунослар билан ҳамкорликда олиб борган тадқиқотга кўра, сўнгги 20 йил мобайнида Европанинг 31 мамлакатидаги миллий сайловлар натижаларининг таҳлили Европа популистлар партиялари, айниқса ўнг популистлар партияларини қўллаб-қувватлаш даражаси ошганлигини кўрсатган.
Бундан атиги 20 йил аввал популистлар партиялари асосан маргинал (оралиқ) куч бўлган ва бутун қитъа бўйича овозларнинг бор-йўғи 7 фоизини ташкил қилган. Сўнгги миллий сайловларда эса европаликлар ҳар тўртинчи овозни популистлар партияларига берган.
Шунингдек, таъкидланишича, Европарламентнинг навбатдаги чақириғида популистлар ҳар қачонгидан кўпроқ бўлади.
Изоҳ (0)