Ўзбекистон Молия вазирлиги 2019 йил учун бюджет лойиҳаси ва яқин уч йил учун макроиқтисодий прогнозлардан парчалар эълон қилди. Мамлакатнинг бош молиявий ҳужжати ижтимоий йўналтирилган ва дефицитли (чиқимни қопламайдиган) бўлиб чиқди — харажатлар келаси йилда даромадлардан қарийб 4,5 триллион сўмга кўпроқ бўлади, деб ёзади Sputnik.
Аммо Г.В.Плеханов номидаги Россия иқтисодиёт университети доценти Мария Ермилованинг фикрича, Ўзбекистон бундан ҳечам хавфсирамаслиги керак.
«Республикада бу борадаги ҳолат дунёнинг бошқа кўплаб ривожланган иқтисодиётларидан кўра анча яхшироқ. Россияда, масалан, бюджет танқислиги 2,2 фоизга тенг, Ўзбекистонда эса — бор-йўғи ярим фоиз. Бу умуман аҳамиятсиз», — деб ҳисоблайди эксперт.
Манфий балансни солиқ юкламасини ошириш ёки олтин-валюта захирасини сарфлаш йўли билан эмас, мўътадил хорижий қарзлар ҳисобидан қоплаш мақсадга мувофиқдир, деб ҳисоблайди иқтисодчи. Биринчи усул даромадлари кичик суръатлар билан ўсаётган аҳоли фаровонлигига салбий таъсир кўрсаца, иккинчи усул қимматбаҳо металлар нархининг пастлиги туфайли ўз самарасини йўқотган.
Изоҳ (0)