Президент қарори билан Россиянинг Ростов-Дон шаҳрида Ўзбекистон бош консулхонаси очилди. Бу ҳақда «Ҳуқуқий ахборот» канали маълум қилди.
Бош консулхона Ўзбекистон фуқаролари ҳамда юридик шахсларига консуллик-ҳуқуқий ёрдам кўрсатади, шунингдек, меҳнат фаолиятини мувофиқлаштиради ҳамда меҳнат мигрантлари бўлиб турган давлатда уларнинг ҳуқуқ ва қонуний манфаатларини амалга оширишларида кўмаклашади.
Шу муносабат билан Ташқи ишлар вазирлигига масъул вазирлик ва идоралар билан биргаликда Ростов-Дон шаҳридаги бош консулхонани консуллик-ҳуқуқий ёрдам кўрсатиш ва меҳнат мигрантлари масалалари бўйича мутахассислар билан тўлдириш вазифаси топширилди.
Изоҳ (0)