Бозорлардаги нарх-наво: энг арзон мол гўшти — Нукус Марказий деҳқон бозорида, энг қиммат гуруч — Чорсу бозорида

Ўзбекистон истеъмолчилар ҳуқуқларини ҳимоя қилиш жамиятлари федерацияси мамлакат бозорларидаги нарх-наволарни ўрганишни давом этади, деб ёзади ЎзА.

Мамлакат бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2018 йил 18 ноябрь ҳолатидаги нархлари билан танишинг.

Мол гўшти

Мамлакат бозорларида олдинги ҳафтада кузатилганидек, 1 кг мол гўшти 26 000 сўмдан 45 000 сўмгача бўлган нархларда сотилмоқда.

Энг арзон нархлар ўтган ҳафтада бўлгани каби бу ҳафтада ҳам Қорақалпоғистон Республикаси Нукус шаҳар Марказий деҳқон бозорида кузатилганди. 1 кг мол гўштининг нархи 26 000 сўмдан 40 000 сўмгача сотилмоқда.

Энг қиммат Қўйлиқ деҳқон бозори (Тошкент шаҳри)да – 28 000 – 45 000 сўм.

Қўй гўшти

Бу ҳафтада нархлар ўзгаришсиз қолган.

Пойтахт бозорларида 1 кг қўй гўшти 28 000 – 40 000 минг сўмгача сотилмоқда.

Энг арзон нарх «Фарҳод» бозори (Тошкент шаҳри)да  – 1 кг қўй гўшти нархи 28 000 – 39 000 сўм.

Энг қиммат нарх Янги шаҳар бозори (Андижон)да – 1 кг қўй гўшти 42 000 – 44 000 сўм.

Товуқ гўшти

Энг қиммат нарх Нукус шаҳар Марказий деҳқон бозорида – 17 000 – 20 000 сўм

Энг арзон нарх Урганч шаҳар Марказий деҳқон бозорида – 11 000 – 15 000 сўм

Пойтахт бозорларида 1 кг товуқ гўштини ўртача 16 000 сўмдан харид қилиш мумкин.

Гуруч

Бу ҳафтада баъзи бозорларда гуруч нархи бироз қимматлашгани кузатилди.

Энг қиммат нарх Чорсу деҳқон бозори (Тошкент шаҳри) – 6000 – 14 000 сўм.

Энг арзон нарх Самарқанд шаҳри «Сиёб» бозори – 3000 – 9000 сўм (ўтган ҳафтадаги нарх сақланиб қолган).

Ўсимлик ёғи

Энг арзон нархлар Термиз шаҳар Марказий деҳқон бозорида – 8000 – 10 500 сўм.

Энг қиммат нархлар «Фарҳод» деҳқон бозори (Тошкент шаҳри) 12 500 сўмгача (ўтган ҳафтадаги нарх сақланиб қолган).

Ун

Ўтган ҳафтадаги нархлар сақланиб қолган.

Энг арзон нарх Термиз шаҳар Марказий деҳқон бозорида – 1 кг 1-навли ун 1500 сўмдан 2000 сўмгача.

Энг қиммат нарх Бухоро шаҳар Марказий деҳқон бозори – 2500 – 3500 сўм.

Шакар

Энг қиммат нарх Жаззах шахри Марказий деҳқон бозорида – 5000-5500 сўм.

Энг арзон нарх «Фарҳод» деҳқон бозори  (Тошкент шаҳри)да – 4100 – 4600 сўм.

Тухум

Кузатишлар бу ҳафтада ҳам товуқ тухумининг нархида ўзгаришлар бўлмаганини кўрсатмоқда.

Мамлакат бозорларида 1 дона товуқ тухумини ўртача 450-700 сўмдан харид қилиш мумкин.

Картошка

Картошканинг нархи баъзи бозорларда арзонлашган.

Энг арзон нарх «Юнусобод деҳқон бозори» (Тошкент шаҳри)да – 1200 сўмдан 2500 сўмгача.

Энг қиммат нарх – мамлакатнинг аксарият бозорларида 1 кг картошка 3000 сўмгача.

Помидор

Энг арзон нарх Нукус шаҳар Марказий деҳқон бозорида – 1500 сўмдан 3000 сўмгача.

Энг қиммат нарх Бухоро шаҳар Марказий деҳқон бозори ҳамда Қўйлиқ деҳқон бозори (Тошкент шаҳри)да – 5000 – 9000 сўмгача.

Хўжалик совуни

Ўтган ҳафтадаги нархлар сақланиб қолган.

Энг арзон нарх Наманган шаҳри «Сардоба» деҳқон бозори – 1250 сўмдан 1800 сўмгача.

Энг қиммат нарх Гулистон шаҳри Марказий деҳқон бозори – 2000 – 4000 сўмгача.

Мамлакат аксарият бозорларида сифатли хўжалик совунини 3000 сўмдан харид қилиш мумкин.