Профессионал рингда фаолият олиб бораётган ўзбекистонлик боксчи Азизбек Абдуғофуров 18 ноябрь санасида Филиппинда ўзининг навбатдаги жангини ўтказди, деб хабар беради МОҚ матбуот хизмати.
Жангда Азизбекка хитойлик Вужати Нуерланг рақиблик қилди. Баҳс тўлиқ 12 раунд давом этди ва якунда Абдуғофуров очколар ҳисобига кўра ғалаба қозонди (117:111, 118:111, 117:110).
Ушбу ғалаба орқали Абдуғофуров ўзининг WBC Silver камарини ҳимоя қилди.
Маълумот учун, Азизбек Абдуғофуровнинг профессионал боксдаги жанглари сони бугунгиси билан қўшиб ҳисоблаганда 12 тага етди. У жангларининг барчасида ғалаба қозонган. Тўртта жангда у рақибларини нокаутга учратган.
Нуерланг эса фаолиятидаги 13-жангини ўтказди. У бунгача 11 маротаба рақибларини мағлубиятга учратган (9 тасида нокат эвазига). Абдуғофуровга қарши жангда у фаолиятидаги иккинчи мағлубиятини қабул қилиб олди.
Изоҳ (0)