Республика Онкология ва радиология илмий-амалий маркази Навоий вилояти филиалида бемор психотроп дори воситасини ўтказмасдан операция қилганлиги, лекин касаллик тарихига ва бошқа кирим чиқим китобларига ёлғон маълумотлар киритилганлиги аниқланди. Бу ҳақда «Халқ сўзи» хабар бермоқда.
Мазкур ҳолат ушбу тиббий муассаса ҳамширасининг мурожаати асосида Навоий вилоят Соғлиқни сақлаш бошқармасининг хизмат текширувида ўз тасдиғини топди. Ундаги хулосада Республика Онкология ва радиология илмий-амалий маркази Навоий вилояти филиали реанимация бўлим мудири С. Т. ҳамда шу бўлим ҳамшираси Ж. Х. бемор Амирқул Темировни жарроҳлик операцияси қилишда психотроп дори воситасини ўтказмасдан, беморнинг тиббий баённомаси наркоз варағи ҳамда психотроп моддани кирим-чиқим китобларига бемор А. Темиров номига чиқим қилиб, психотроп моддани сақлаш ва беришнинг белгиланган қоидаларини бузганлиги маълум қилинган.
Мазкур ҳолат юзасидан тиббий муассаса реанимация бўлим мудири ва ҳамширасига нисбатан Ўзбекистон Республикаси Жиноят Кодексининг 275-моддаси биринчи қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)