Франция президенти Эммануэль Maкрон Интернетни бошқариш бўйича халқаро форумда «Киберҳудудда ишонч ва хавфсизликка Париж чақируви» деб номланган ҳужжатни тақдим этди. Бу ҳақда Spot хабар бермоқда.
Интернетни «енгил бошқариш»га қаратилган меморандумни Бельгия, Канада, Франция, Дания, Италия, Япония, Исландия каби мамлакатлар, юзлаб тижорат ва нотижорат ташкилотлар қўллаб-қувватланди, жами 370 дан ортиқ имзо йиғилди.
Ўзбекистон мазкур ҳужжатга қўшилган Марказий Осиёдаги ягона ва МДҲдаги Арманистондан кейинги иккинчи давлат бўлди. Россия, Хитой ва АҚШ ушбу рўйхатда йўқ.
Франция президентига кўра, Интернетни бошқаришнинг икки — умуман назорат кўзда тутилмаган Калифорния ва давлат тармоқни тўлиқ назорат қиладиган Хитой ёндошуви мавжуд. Икки ёндошувнинг ҳам тарафдори бўлмаган Maкрон таклиф этган меморандумда давлат фуқароларни зарарли контентлардан (терроризм, болалар порнографияси, диний ва ирқий камситиш ва ҳоказо) ҳимоя қилиши кўзда тутилган.
Изоҳ (0)