Норматив-ҳуқуқий ҳужжатлар лойиҳалари муҳокамаси порталида «Айрим маълумотларни расман чоп этиш бўйича чекловларни олиб ташлаш тўғрисида»ги ҳукумат қарори лойиҳаси жойлаштирилди.
Ҳужжат Молия вазирлиги томонидан ишлаб чиқилган.
Қарор билан Ўзбекистонда қуйидаги маълумотларни расман чоп этиш бўйича чекловларни олиб ташлаш кўзда тутилмоқда:
Ўзбекистон Республикаси фойдали қазилмаларининг умумий заҳиралари, қазиб олинган (ишлаб чиқарилган), сотиш ҳажмлари ва маблағларнинг тақсимланиши тўғрисидаги маълумотлар;
Ўзбекистон тикланиш ва тараққиёт жамғармаси, «Олмалиқ КМК» АЖ ва «Навоий КМК» ДКнинг 2013 йилдан бошлаб миллий ёки халқаро стандартлар асосидаги молиявий ҳисоботлари;
2017 йил 1 январь ҳолатигача бўлган йиллик давлат олтин валюта заҳиралари миқдори ва уларнинг таркибий тузилмаси;
Давлат ва давлат томонидан кафолатланган (ички ва ташқи) қарзларининг умумий ҳажми, манбалари, валюталари, фоиз ставкалари, муддатлари ҳамда қарздор ташкилотлар кесимида ўзлаштириш ва қайтариш тўловлари бўйича маълумотлар.
Изоҳ (0)