Профессионал бокснинг супер ярим енгил вазн (- 58,96 кг) тоифасида рингга чиқаётган Элнур Абдураимов 10 ноябрь куни ўзининг учинчи жангини ўтказди.
Россиянинг Екатеринбург шаҳрида жойлашган РМК яккакурашлар академияси спорт саройида бўлиб ўтган жангда Элнурга бразилиялик Аэлио Мескита рақиблик қилди. Ўзбекистонлик боксчи рақибини 1-раунддаёқ Мескитани нокаутга учратиб, ғалаба қозонди.
Қайд этиш жоиз, Мескита кечаги жангга қадар профессионал боксда 19 та жанг ўтказиб, уларнинг 17 тасида ғалаба (15 та нокаут) қозонган. Иккита жангда имкониятни бой бериб қўйганди.
Элнур Абдураимов эса проф боксда 2 та жанг ўтказиб, уларнинг иккаласида ҳам ғалаба қозонганди.
Изоҳ (0)