10 ноябрь, шанба куни Туркманистон пойтахти Ашхобод шаҳрида оғир атлетика бўйича жаҳон чемпионати якунига етди.
Мусобақаларнинг сўнгги кунида +109 кг вазн тоифасида баҳслар ўтказилди. Ушбу вазн тоифасида Ўзбекистон шарафини Рустам Жангабаев ҳимоя қилди.
Рустам даст кўтаришда 202 кг натижа кўрсатди ва тўртинчи ўрин билан кифояланди. Силтаб кўтаришда эса 245 кг тошни ўзига бўйсундириб, бронза медалига сазовор бўлди. Иккикураш якунига кўра 447 кг натижа кўрсатган Рустам бу борада ҳам бронза медалига эга чиқди.
Шу тариқа Туркманистондаги жаҳон чемпионати якунланди. Ўзбекистон терма жамоаси аъзолари мусобақа давомида 1 та олтин, 1 та кумуш ва 3 та бронза медалларини қўлга киритди.
Атлетлар 12 ноябрь, душанба куни Ўзбекистонга қайтиб келади.
Изоҳ (0)