УЕФА ташкилоти Европа Чемпионлар Лигаси 4-турининг энг яхши ўйинчисини аниқлади. Бу ҳақда ташкилотнинг Twitter’даги расмий саҳифасида хабар берилди.

Унга кўра, 4 нафар футболчи ҳафта ўйинчиси номига даъвогарлик қилди. Улар қуйидагилар:

• Ҳарри Кейн («Тоттенҳэм») — «ПСВ Эйндховен» қарши баҳсда 2 та гол урди.
• Милан Павков («Црвена Звезда») — «Ливерпуль» дарвозасига 2 та гол уриб, дублни расмийлаштирди.
• Карим Бензема («Реал») — «Виктория»га қарши учрашувда дублга эришди.
• Рияд Маҳрез («Манчестер Сити») — «Шахтёр»га қарши баҳсда 1 та гол уриб, 2 та голли узатмани амалга оширди.

Овоз бериш якунларига кўра, «Тоттенҳэм» ҳужумчиси ҳамда жамоа сардори Ҳарри Кейн 4-турнинг энг яхши ўйинчиси деб топилди.​