«Арсенал» клубининг 29 ёшли ҳужумчиси Пьер-Эмерик Обамеянг Англия премьер лигасида октябрь ойининг энг яхши ўйинчиси деб топилди. Бу ҳақда АПЛнинг Twitter’даги расмий саҳифасида хабар берилди.
Обамеянг «Арсенал» сафида октябрь ойидаги 3 та ўйинда 5 та гол уришга эришди. У «Фулҳэм» ва «Лестер» билан ўйинда 2 тадан гол урган бўлса, «Кристал Пэлас» билан баҳсда ҳам ўз ҳисобида битта гол ёзиб қўйишга муваффақ бўлди.
АПЛнинг жорий мавсумдаги 11 та ўйинида қатнашган Пьер-Эмерик Обамеянг ҳисобида ҳозирда 7 та гол бор. Ва у тўпурарлар пойгасида Эден Азар ва Серхио Агуэро билан пешқадамликни бўлишиб турибди.
Изоҳ (0)