10 ноябрь, шанба куни футбол бўйича Ўзбекистон Pepsi Суперлигаси 30-туридан ўрин олган 3 та беллашув бўлиб ўтди.
Хусусан, юқори олтиликда чемпионлик учун курашаётган «Пахтакор» ўз майдонида «Металлург»ни қабу қилиб, 2:1 ҳисобида ғалаба қозонди. Мезбонлар сафида Тиаго Безерра ҳамда Баҳром Абдураҳимов биттадан гол муаллифига айланди. Меҳмонлардан эса Аброр Хусинов гол уришга эришди. Мазкур ғалабадан сўнг «Пахтакор» 34 очко билан мусобақа жадвалида 2-ўринни банд этиб турган бўлса, пешқадамлик қилаётган «Локомотив»да 40 очко мавжуд.
Наманганнинг «Навбаҳор» жамоаси ўз майдонида Тошкентнинг «Бунёдкор» клубини қабул қилиб, 1:0 ҳисобида ғалаба қозонди. Ягона гол 64-дақиқада пенальтидан киритилди. Гол муаллифи Рўзимбой Аҳмедов бўлди. Бу ғалабадан сўнг «Навбаҳор» 28 очко билан 3-ўриндаги мавқейини мустаҳкамлаб олган бўлса, «Бунёдкор» эса 24 очко билан 4-ўринга жойлашди.
Қуйи олтиликдаги «Қизилқум» ҳамда «Насаф» жамоалари ўртасидаги баҳсда 2:0 ҳисоби қайд этилди. «Қизилқум» сафидаги голлар Эркин Бойдуллаев ҳамда Артур Геворкян ҳисобига ёзилди.
Pepsi Суперлига
30-тур беллашувлари
10 ноябрь, шанба
Изоҳ (0)