Бокс бўйича Осиё ўйинлари ва Осиё чемпионати ғолиби Исроил Мадримов энди фаолиятини профессионал боксда давом эттиради. Бу ҳақда спортчи ўзининг Instagram’даги саҳифасида маълум қилди.
Қайд этилишича, Мадримов Россиянинг «Мир Бокса» промоутерлик компанияси билан келишувга эришган.
«Ҳурматли дўстлар, мен фаолиятимда муҳим қадам ташлаганимни ва профессионал боксга ўтишимни мамнуният билан эълон қилмоқдаман. Бу борада кўплаб таклифлар олдим ва проф боксда ўз келажагимни ишонишим мумкин бўлган «Мир Бокса» ташкилоти билан ҳамкорлик қилишга қарор қилдим. Бундай имкониятга эга бўлганимдан жуда хурсандман ва бундан миннатдорман», – деб ёзади Мадримов.
Исроил профессионал боксдаги дебют жангини 24 ноябрь куни Атлантик-Сити шаҳрида ўтказади. Ўша куни унга Виктор Эрнандес рақиблик қилади. Эрнандес шу кунга қадар профессионал боксда 12 та жанг ўтказиб, уларнинг 10 тасида ғалаба қозонган (6 та жангда нокаут эвазига). 2 марта мағлубиятга учраган.
Изоҳ (0)