Америкалик миллиардер ва Tesla раҳбари Илон Маск Калифорния тарихидаги энг йирик ёнғиндан жабр кўрганларни ташишда ўз ёрдамини таклиф қилди. Бу ҳақда «РИА Новости» хабар бермоқда.
«Агар Tesla Калифорниядаги одамларга ёрдам бера олса, бу ҳақда бизга билдиринг. С ва Х автомобиль моделлари шифохона туркумидаги HEPA фильтрлари билан таъминланган. Одамларни ташишда қўл келиши мумкин», — деб ёзди Маск Twitter’даги саҳифасида.
Калифорния шимолидаги Camp ўрмон ёнғинлари 8 ноябрь, пайшанба куни бошланган эди, ҳозиргача ушбу табиий офат оқибатида тўққиз киши ҳалок бўлган. Олов 36 минг гектардан зиёд майдонни қамраб олган бўлиб, 7 мингдан ортиқ иншоотларни вайрон қилди ва бу билан штат тарихидаги энг вайронкор ёнғинга айланди.
Бунгача штат тарихидаги энг вайронкори деб 2017 йили кузатилган Tubbs ёнғини ҳисобланарди. У 17 минг гектар майдонни қамраб олиб, 5,5 мингдан ортиқ иморатнинг вайрон қилганди.
Изоҳ (0)