Ўзбекистонда 2018 йилнинг ўн ойи мобайнида 36,9 фоиз интернет фойдаланувчилари интернетда кибер-ҳужумга учраган, деб ёзади «Podrobno.uz».
Ушбу кўрсаткич бўйича мамлакат 27-ўринни эгаллайди. Қаттиқ дисклар, USB-флешкалардаги вируслар орқали 69,8 фоиз фойдаланувчиларга ҳужум уюштирилган. Бу эса дунёда 13-ўрин дегани.
Қайд этиш керакки, бундай турдаги таҳдидлар бевосита молиявий зарар келтирмайди. Бироқ компьютернинг ишлаш тезлигига сезиларли даражада таъсир кўрсатади.
Умуман олганда, ҳозирги кунда интернет фойдаланувчиларига кибер-таҳдидлар 2006 йил билан солиштирганда 700 бараварга ортди. Ҳужумларнинг умумий сони ҳам ортиб бормоқда — 2017 йилда дунё бўйлаб миллиарддан ортиқ кибер-ҳужумлар қайд этилган.
«Касперский лабораторияси» экспертлари киберҳужумлардан ҳимояланиш учун қуйидаги тавсияларни келтиради:
Мессенжерлар орқали хабарларга илова қилинган шубҳали ҳаволаларга кирманг!
Операцион тизим ва дастурларни тез-тез янгилаб туринг;
Дастурларни фақат расмий ҳаволалардан юклаб олинг;
Компьютерингизга кириш учун қийин ва мураккаб пароллардан фойдаланинг;
Қурилмадаги муҳим маълумотларни USB-флешка ёки қаттиқ дискка кўчириб олинг;
Дастурларга кераксиз функцияларга кириш имконини берманг, ишончли ҳимоя тизимини ўрнатинг.
Изоҳ (0)