Россиянинг Кемерово вилояти Юрга шаҳрида хусусий турар-жойда юз берган ёнғинда олти нафар бола ва икки нафар катта одам ҳалок бўлди, деб ёзади «РИА Новости».
Ёнғин ҳақидаги сигнал 6 ноябрь куни тонгда (маҳаллий вақт билан 4 да) келиб тушган. Бир соатдан кейин ўт ўчирилган, ўт ўчирувчилардан бири жабрланган.
Ҳалок бўлганларнинг барчаси — битта оила аъзолари. 42 ёшли аёл тирик қолган. Ёнғинда унинг 72 ёшли онаси, 30 ёшли эри, уч фарзанди ва уч невараси ҳалок бўлган.
Воқеа юзасидан жиноят иши қўзғатилди. Ҳодиса юз берган вазият ўрганилмоқда.
Прокуратурадагилар аниқлик киритишича, ёниб кетган уйда маҳаллий оила ижарада турган.
Изоҳ (0)