Самарқанд вилояти Пахтачи туман марказий шифохонасида биринчи марта 53 ёшли беморнинг жигар, талоқ, бачадон, қорин парда орти соҳаси, қорин бўшлиғининг барча соҳаларидан 21 та эхинококк ўсимта жарроҳлик операцияси ёрдамида олиб ташланди, деб хабар беради Turon 24.
Саккиз соат давом этган жарроҳлик операциясини Республика шошилинч тиббий ёрдам илмий маркази вилоят филиалининг етакчи жарроҳлари Олимжон Хўжамов, Искандар Шоназаров ва Йўлдош Кулиевлар амалга оширишди.
«Бу жудаям мураккаб ва қиммат жарроҳлик операцияси бўлиб, шу пайтгача фақатгина пойтахтда амалга оширилар эди. Бу орқали нафақат 53 ёшли бемор узоқ масофага бормасдан саломатлигини тиклади, балки олис туманда ҳам қийин жарроҳлик операцияларини ўтказиш имкони борлиги исботланди», – деди Олимжон Хўжамов.
Туман тиббиёт бирлашмасининг маълум қилишича, одатда бундай операциялар учун ўртача 15—20 миллион сўм сарфланади. Пахтачида ўтказилган мазкур операция эса бепул амалга оширилган.
Изоҳ (0)