2 ноябрь куни соат 17:45 ларда Тошкент вилоятининг Зангиота туманида яшовчи Ш.М. исмли аёлнинг уйида ёнғин содир бўлган. Ўзбекистон ИИВдан хабар беришларича, кўрилган чоралар натижасида ёнғин ўчирилган.
Ёнғин натижасида эса уйнинг 4 кв.м. майдонда пол қисми ёниб зарар кўрган ҳамда шу уйда вақтинча яшаган О.Б. исмли аёлнинг куйган ҳолдаги жасади топилган.
Ёнғин келиб чиқиш сабабини аниқлаш юзасидан суриштирув ишлари олиб борилмоқда.
Ўзбекистон ИИВ Жамоатчилик ва оммавий ахборот воситалари билан алоқалар бошқармаси Зангиотадаги ушбу ёнғин ҳақидаги хабарида шундай мурожаат билан чиқиш қилан: «Ҳурматли юртдошлар, куз-қиш мавсуми келганлиги сабабли уйингизда фойдаланаётган иситиш мосламаларининг соз ҳолда эканлигига ҳамиша эътибор қаратинг. Шу билан бирга, маиший техникаларингиз ва газ печларингизни асло ёқиқ ҳолда қаровсиз қолдирманг».
Изоҳ (0)