16 октябрь куни Фарғона вилоятининг Учкўприк тумани Жалоер қишлоғида номаълум ҳайдовчи давлат рақамлари аниқланмаган оқ рангли ВАЗ-2106 русумли машинаси бир велосипедчини уриб юбориб, воқеа жойидан қочиб кетган эди. Жабрланувчи тан жароҳати билан касалхонага ётқизилган.
Ўзбекистон ИИВдан маълум қилишларича, фуқаролар берган маълумотлар асосида ушбу ЙТҲ Фарғона вилояти Ўзбекистон туманида яшовчи А.Ф. томонидан ВАЗ-2103 машинасида содир этганлиги аниқланиб, гумонланувчи ушланган. Ҳолат юзасидан жиноят иши қўзғатилган. Тергов ҳаракатлари давом этмоқда.
«Ўз навбатида, жамиятимизда юз бераётган ўзгаришларга ва ўзгалар тақдирига бефарқ бўлмай хабар берган фуқароларимизга миннатдорчилик билдирамиз», — Ўзбекистон ИИВ Жамоатчилик ва оммавий ахборот воситалари билан алоқалар бошқармаси ахборотида.
Изоҳ (0)