Туркманистон президенти Гурбангули Бердимуҳамедов «Амул-Ҳазар» раллиси учун тайёргарлик кўрган пойга автомобили унинг учун Германиядан 520 минг евро эвазига сотиб олинган. Бу ҳақда Туркманистон давлат харидлари порталидаги маълумотларга асосланиб, Tengrinews хабар бермоқда.
Президент мўлжалланган автомобиль 7 июнь куни сотиб олинган бўлса, Туркманистон президенти ва унинг ўғли Сердар ўз чизмалари асосида пойга автомобилини «ўз қўллари билан» йиғиб чиқишган. Бердимуҳамедов томонидан йиғилган автомобиль 20 июнь куни жамоатчиликка намойиш этилган эди.
Июль ойи бошида Туркманистон президенти Германиядан олиб келинган машинасида синов юришини амалга ошириб, сўнг «ўз кашфиёти»ни янада мукаммаллаштириш чораларини кўрган эди.
Бердимуҳамедов пойгага Mini-Cooper спорт автомобилида ҳам чиққан, лекин Германиядан олиб келинган автомобиль шуми ёки йўқ — буниси аниқ эмас.
Изоҳ (0)