Ravon R4 ва R2 Украинадаги энг ҳамёнбоп автомат узатиш қутили автомобиллар рўйхатига киритилди

Украинанинг «Bigmir.net» нашри мамлакат фуқаролари учун харид жиҳатидан энг қулай автомат узатиш қутисига эга автомобиллар рейтингини эълон қилди.

Рўйхатни 353 минг гривен нарх билан 100 километрга 5 литр ёқилғи сарфлайдиган Renault Sandero бошлаб берди.

Кейинги ўринларда энг арзон кроссоверлардан бўлган Great Wall M4 (345 минг гривен) ва 100 километрга атиги 3,8 литр ёқилғи талаб қилинадиган Citroen C1 (335 минг гривен) қайд этилган.

Бешликни Ravon R4 ва Ravon R2 якунлаб берди.

278 минг гривендан сотилаётган Ravon R4 катта юкхонага, 6 босқичли автомат узатиш қутисига ва яхши комплектацияга эга эканлиги эътироф этилган.

Рейтингдаги энг паст қиймат — 209 минг гривен нарх белгиланган Ravon R2 кондиционер ва 4 та хавфсизлик ёстиқчасига билан жиҳозлангани билдирилган.

Маълумот учун, 100 гривен салкам 30 минг сўмга тенг