Lion Air авиакомпаниясининг Boeing 737 йўловчи самолёти Жакарта аэопортидан ҳаво кўтарилганидан кўп ўтмай, ҳалокатга учрагани ҳақида аввалроқ хабар берилганди.
Жакартадан Индонезиянинг Банка оролидаги Панкалпинанг шаҳрига рейсни амалга ошираётан самолёт маҳаллий вақт билан 06:20 да (Тошкент вақти билан 04:20 да) ҳаво кўтарилиб, 06:33 да радарлардан йўқолган. Самолёт Ява оролининг ғарбий соҳиллари яқинидаги денгизга қулаган. Мамлакатдаги фавқулодда вазиятлар агентлиги раҳбарининг хабар беришича, самолётнинг ёқилғи баки портлаган ҳолда топилган. Ҳодиса оқибатида тирик қолганлар йўқ. Самолёт бортида 189 киши бўлган. Шулардан 181 нафари йўловчи, 2 нафар учувчи ҳамда 6 нафар экипаж аъзоси.
Lion Air — Индонезиянинг энг йирик хусусий авиакомпанияси бўлиб, у Индонезия, Сингапур, Вьетнам, Малайзия ва Саудия Арабистонининг 126 аэропортига парвозларни амалга оширади. Жакартадаги Сукарно Хатта аэропорти авиакомпаниянинг бош транзити хаби ҳисобланади.
Lion Air авиакомпанияси ўзининг Wings Air шўъбаси билан бирга Европа Иттифоқи мамлакатлари ҳаво кенгликларида парвоз қилиши тақиқланган авиаташувчилар рўйхатига киритилган.
Изоҳ (0)