UFC’нинг россиялик чемпиони Ҳабиб Нурмагомедов бокс бўйича собиқ жаҳон чемпиони Флойд Мейвезер билан Москвадаги «Лужники» стадионида жанг қилишни хоҳлашини маълум қилди.
«Мейвезер билан жангимни муҳокама қилдик ва биз жангни Москвадаги афсонавий «Лужники» стадионида ўтишини хоҳлаймиз. Стадион 100 минг томошабинни ўз бағрига чорлашига ишончимиз комил, шунингдек, пулли трансляция борасида ҳам жаҳон рекорди ўрнатилади. Энг асосийси эса менинг бурчагимда отам ҳам бўлади. Ахир Москва учун виза шарт эмас»,—деб ёзади Ҳабиб Россия бокс федерацияси бош котиби Умар Кремлев билан суҳбатдан сўнг.
Эслатиб ўтамиз, аввалроқ Ҳабиб Флойдни жангга чорлаган эди. Мейвезер эса бунга розилик билдириб, жанг фақат бокс қоидалари бўйича ўтишини билдирди. Ҳабиб эса Конор билан жанг бўлиб ўтган Невадада қайтиб жанг қилмаслигини маълум қилди.
Изоҳ (0)