АҚШ президенти Дональд Трамп ва Россия президенти Владимир Путин ноябрь ойида Париж ва Буэнос-Айресда икки томонлама учрашувлар ўтказиши мумкин. Бу ҳақда, АҚШ президенти маъмуриятига асосланиб, Bloomberg ва «ТАСС» агентликлари хабар бермоқда.
Маълумот учун, 30 ноябрь — 1 декабрь кунлари Аргентина пойтахти Буэнос-Айресда G20 саммити бўлиб ўтади, 11 ноябрь куни эса Парижда Биринчи жаҳон уруши якунланганининг 100 йиллигига бағишланган тантаналар бўлиб ўтади.
АҚШ ва Россия президентларининг илк тўлиқ форматли икки томонлама учрашуви 16 июль куни Финляндия пойтахти Хелсинкида бўлиб ўтган эди.
Изоҳ (0)