Владимир Путин Ўзбекистон ва Россия савдо алоқалари ҳамда логистикасини оптималлаштириш бўйича ишларни давом эттиришни таклиф қилди. Бу ҳақда «Podrobno.uz» хабар бермоқда.
У жорий йил 8 ой давомида икки давлат ўртасида аграр маҳсулотлар савдоси ҳажми салкам 40 фоизга кўпайиб, 340 миллион долларни ташкил этганини қайд этди.
«Бу кўрсаткичлар келгусида янада ошишига шубҳа йўқ, чунки Россияда ўзбек қишлоқ хўжалик маҳсулотлари импорти учун энг қулай шароитлар яратилган: божхонада ’яшил йўлак’ тизими жорий этилган, фитосанитар назоратининг алоҳида тартиби тасдиқланган, имтиёзли темир йўл тарифлари амалда бўлиб турибди», — таъкидлади Россия президенти.
Путинга кўра, энди Ўзбекистонга қайтаётган транспортга Россия маҳсулотлари, жумладан, озиқ-овқат товарларини юклаш масаласини кўриб чиқиш лозим. Бунинг учун имкониятлар бор: Россияда охирги 5 йил ичида қишлоқ хўжалик маҳсулотларини ишлаб чиқариш ҳажми 20 фоиздан кўпроққа ошди.
Изоҳ (0)