Президент Шавкат Мирзиёев 13 октябрь куни имзолаган фармонга мувофиқ, Ўзбекистонда 1 ноябрдан бюджет ташкилотлари ходимларининг иш ҳақи, пенсиялар, стипендиялар ва нафақалар миқдори ўртача 10 фоизга оширилади, дея хабар бермоқда «Газета.uz».
Фармонга мувофиқ, 1 ноябрдан бошлаб:
- энг кам иш ҳақи — ойига 202 730 сўм (ҳозир — 184 300 сўм);
- ёшга доир пенсиялар ва болаликдан ногиронларга бериладиган нафақа — ойига 396 500 сўм (ҳозир — 360 460 сўм);
- зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа — ойига 243 300 сўм (ҳозир — 221 190 сўм) миқдорида белгиланади.
Аввалроқ Давлат статистика қўмитаси товар ва хизматларнинг нархлари сентябрь ойида 1,8 фоизга, йил бошидан бери эса 8,1 фоизга ўсгани ҳақида ахборот берганди.
Изоҳ (0)