Навоий тоғ-металлургия комбинатида ноёб металларни ишлаб чиқариш бўйича янги объект фойдаланишга топширилди. Бу ҳақда Spot хабар бермоқда.
Мазкур участка ишга туширилган 5-кон бошқармасининг асосий маҳсулоти уран кимёвий концентрати ҳисобланади.
Объектни ишга тушириш учун комбинат томонидан 9 миллиард сўм сарфланди. Бу ерда иттрий, тербий ва скандий каби ноёб металлар кимёвий концентратларини ишлаб чиқариш ва уран қазиб олиш харажатларини камайтириш имконияти туғилади.
Маълумот учун, Ўзбекистон йил бошидан бери 106,9 миллион долларлик уран экспорт қилди. Мамлакат АҚШга уран етказиб берувчи давлатлар орасида бешинчи ўринни эгаллайди.
Изоҳ (0)