Жорий йил 3 октябрь куни 6 тонна рангли металл ноқонуний айланмаси билан шуғулланган фуқаро А.Н.нинг ҳаракатлари божхоначилар томонидан фош этилди. Бу ҳақда Божхона қўмитаси ахборот хизмати маълум қилди.
Т.И. исмли шахс А.Н.га нисбатан тўпланган ҳужжатларни моддий манфаат эвазига ижобий ҳал қилиб бериш мақсадида божхона ходимига пора таклиф қилди.
У ўзининг режасини амалга ошириш мақсадида божхоначини Наманган шаҳридаги «Зоҳидабону» ошхонасига таклиф этди.
Т.И.зиёфат баҳонасида божхона ходимига 500 АҚШ доллари миқдорида пора бераётган чоғда божхона органлари масъуллари ва Департамент Наманган вилоят бошқармаси ходимлари томонидан жиноят устида қўлга олинди.
Ҳозирда ушбу ҳолат юзасидан жиноят иши қўзғатилиб, тергов ҳаракатлари давом эттирилмоқда.
Изоҳ (0)