Мажбурий ижро бюроси Янгиқўрғон туман бўлими тақдимномаси ва маъмурий суд қарори билан узоқ муддатдан бери алимент тўлашдан бўйин товлаб келаётган фуқаролар жазога тортилди. Бу ҳақда «Дарё»га МИБ туман бўлими мутасаддилари маълум қилди.
Жумладан, С.Р. бир неча бор ёзма ва оғзаки равишда огоҳлантирилишига қарамай 3 нафар фарзанди учун 2015 йилдан бери алимент тўламай келган. Натижада унинг қарздорлиги жорий йил 1 октябрь ҳолатига 17.523.447 сўмга етди. Суд қарори билан унга нисбатан 15 сутка қамоқ жазоси тайинланди.
Ф.Ж. бир нафар фарзандининг моддий таъминоти учун алиментни 2013 йилдан бери тўламай келгани оқибатида қарз 7.419.432 сўмни ташкил этди. Унга нисбатан ҳам суд қарори билан 10 сутка қамоқ жазоси белгиланди.
4 йилдан бери фарзанди учун алимент тўлашдан бош тортиб келаётган Н.Т.нинг қарздорлиги 2.720.528 сўмни ташкил этди. Мазкур қарздорлик тўлиқ қопланмаганлиги сабабли унга нисбатан 5 суткалик қамоқ жазоси тайинланди.
Изоҳ (0)